काठमाडौं । चालु आर्थिक वर्षको ७ महिनामा १४ करोड ४८ लाख १० हजार रुपैयाँ बराबरका चाँदीका गहनाहरु निर्यात भएका छन् ।
भन्सार विभागको तथ्याङ्क अनुसार माघ मसान्तसम्म उक्त रकम बराबरको चाँदीका गहना निर्यात भएको हो । विदेशीमा बन्न नसक्ने नेपाली मौलिक गर-गहना नेपालबाट निर्यात हुने गरेको छ ।
अहिले नेपालबाट विश्वका विभिन्न १५ देशहरुमा चाँदीका गहना निर्यात हुने गरेको विभागको तथ्याङकमा उल्लेख छ । तथ्याङ्क अनुसार अमेरिका, अष्ट्रेलिया, जापान, बेल्जियम, क्यानडा, फ्रान्स, जर्मनी, हङकङ, नेदरल्याण्ड पोर्चुगल, सिंगापुर, स्वीटजरल्याण्ड, ताइवान लगायतका देशहरुमा निर्यात हुने गरेको छ ।
विभागका अनुसार पछिल्लो समयमा नेपालीहरुको बसोबास बढी भएका मुलुकहरुमा गहना निर्यात हुने गरेको छ । विशेषगरि ति देहरुमा नेपाली मौलिक गरगहनाको निर्यात भएको हो ।
सबैभन्दा बढी गहना अमेरिकामा निर्यात भएको छ । पछिल्लो सात महिनामा ८ करोड ६० लाख २२ हजार रुपैयाँको चाँदीका गहना अमेरिका निर्यात भएको छ । यस्तै अष्टे«लियामा एक करोड २९ लाख १७ हजार, जापानमा ९ लाख ६६ हजार, पोर्चुगलमा ४ लाख ८५ हजार, नेदरल्याण्डमा ४० लाख ६० हजार रुपैयाँ बराबरका गहना निर्यात भएको छ ।
यस्तै, स्वीटजरल्याण्डमा ३७ लाख ४ हजार, बेलायतमा १८ लाख ६७ हजार, टाइवानमा १३ लाख ४५ हजार फ्रान्समा ६४ लाख १९ हजार, क्यानडामा ४ लाख ४७ हजार, बेल्जियममा २ लाख ७० हजार, जर्मनीमा ६५ लाख ६५ हजार र हङकङमा २० हजार, सिंगापुरमा १ लाख र रशियन कन्ट्रीमा १५ लाख ९३ हजार रुपैयाँ बराबरको चाँदीका गहना निर्यात भएको विभागको तथ्याङ्कमा उल्लेख छ ।
वि.सं.२०७७ फागुन २५ मंगलवार १४:१० मा प्रकाशित
