काठमाडौं । ग्लोबल आइएमई बैंकले निष्काशन गरेको ऋणपत्रमा माग अनुसारका आवेदन नपरेपछि आवेदन दिने समय थपिएको छ ।
बैंकले १० वर्ष अवधि तथा ८.५०% ग्लोबल आइएमई बैंक डिबेन्चर २०८६/८७’ चैत १ गतेबाट निष्काशन गरेको हो । ऋणपत्र बिक्री नभएपछि १२ दिन समय थपेर १६ गतेसम्म पुर्याईएको छ।
बैंकले प्रति कित्ता एक हजार रुपैयाँका दरले ३० लाख कित्ता ऋणपत्र निष्काशन गरेको हो । १८ लाख कित्ता बैंकले विभिन्न संघसंस्थालाई बिक्री गर्नेछ भने १२ लाख कित्ता सर्वसाधारणलाई छुट्याईएको छ । यसबाट सामूहिक लगानी कोषलाई ६० हजार कित्ता र बाँकी रहेको ११ लाख ४० हजार इकाईमा सर्वसाधारण आवेदन दिन थालेका छन् ।
वार्षिक ८.५० प्रतिशत ब्याज पाइने ऋणपत्रमा न्यूनतम २५ देखि अधिकतम १० लाख कित्तासम्म आवेदन दिन सकिने छ । यसको बिक्री प्रबन्धकमा सेञ्चुरी क्यापिटल रहेको छ । ऋणपत्रमा सी–आस्वा सदस्य रहेको बैंक तथा वित्तीय संस्था तथा मेरो सेयरबाट पनि आवेदन दिन सकिने छ ।
वि.सं.२०७७ चैत ४ बुधवार १०:३३ मा प्रकाशित