काठमाडौं । राष्ट्रपति विद्यादेवी भण्डारीले मेलम्ची खानेपानी आयोजनाको उद्घाटन गर्दै यसको कल्पनाकार कृष्ण भट्टरार्इ (किसुन जी) लाई सम्झना गर्नुभएको छ ।
झण्डै तीन दशकपछि सार्थकता पाएको भन्दै मेलम्चीको सुरुवातदेखि हालसम्म काम गर्ने राजनीतिज्ञ, प्राविधिक, दातृ निकाय र राष्ट्रसेवकको सम्झना गर्नुभएको हो ।
मेलम्ची खानेपानी आयोजनाको पानी वितरण कार्यको औपचारिक उद्घाटन कार्यक्रमलाई सम्वोधनका क्रममा मेलम्चीको पानी काठमाडौं वितरण गर्ने सपनासहित प्रतिवद्धता गर्नुभएका तत्कालिन प्रधानमन्त्री कृष्णप्रसाद भट्टराईलाई सार्वजनिक रुपमा सम्झाना गर्नुभएको हो ।
उहाँले तत्कालीन प्रधानमन्त्री भट्टराइको प्रतिवद्धतासंगै आयोजनाले थप महत्व र प्रचार पाएको बताउनुभयो । राष्ट्रपति भण्डारीले भृकुटीमण्डपमा नवनिर्मित सार्वजनिक ढुंगेधारामा रहेको ३ वटा धारा खोलेर उद्घाटन गर्नुभएको थियो ।
काठमाडौं उपत्यका केही स्थानमा आइतबारदेखि नै मेलम्चीको पानी वितरण थालिसकिएको छ । हालसम्म महांकाल, मीनभवन र खुमलटारको ट्याङ्कीबाट एक दिन बिराएर पानी पठाइएको छ भने अनामनगरको ८ सय घरमा भने २४ सै घण्टा पानी वितरण भइरहेको छ ।
वि.सं.२०७७ चैत २० शुक्रवार १६:३४ मा प्रकाशित