काठमाडौं । विगत १० महिना यता सेयर लगानीकर्ताको लागि धेरै नै लाभदायक समय बनेको छ । यो अवधिमा आएका आईपीओमा लगानी गर्ने लगानीकर्ताहरु मालामाल बनेका छन् ।
बजार पनि बढि रहेको छ । नयाँ नयाँ कम्पनीको आइपीओ आउने क्रम पनि बढी रहेको छ । बढि रहेको बजारलाई नयाँ कम्पनीको आइपीओले उछाल ल्याउन सहयोग गरेको छ । बजारमा नयाँ लगानीकर्तालाई आकर्षित पनि बनाएको छ । हामीले यहाँ अहिले चर्चामा रहेका नौ वटा कम्पनीलाई छनोट गरेका छौं । जसमाः
नेपाल पुनर्बीमा कम्पनीः
नेपाल पुनर्बीमा कम्पनीको सेयर २०७७ असार १५ गते नेप्सेमा सूचिकृत भयो । कम्पनीको पहिलो कारोबार प्रति कित्ता ४२४ रुपैयाँमा भएको थियो । पहिलो दिनमा नै कारोबार सुुरु भएको १ घन्टा नपुग्दै १० प्रतिशतले घटेर ३८२ रुपैयाँमा रोकियो ।
बिहीबारसम्म कम्पनीको सेयर मूल्य प्रतिकित्ता १४५४ रुपैयाँ पुगेको छ । असारमा १ हजार रुपैयाँ यो कम्पनीमा लगानी गरेको लगानीकर्ताको सम्पती अहिले १४ हजार ४५० रुपैयाँ पुगेको छ ।
कम्पनीको सेयर मूल्य मंसिर १७ गते प्रतिकित्ता १७५८ रुपैयाँसम्म पुगेको थियो । त्यसपछि भने अहिले भाउ घटेको छ । कम्पनीले प्रति कित्ता एक सय रुपैयाँका दरले मूल्यका १ करोड ५१ लाख २६ हजार ५०० कित्ता सेयर सर्वसाधरणका लागि निष्काशन गरेको थियो ।
साधना लघुबित्त वित्तीय संस्थाः
साधाना लघुवित्त वित्तीय संस्थाले असार २१ गते सर्वसाधारणको लागि प्रति कित्ता सय रुपैयाँका दरले ७ लाख ७ हजार ८०० कित्ता सेयर निष्काशन गर्यो ।
आइपीओमा लगानीकर्ताको आकर्षण पनि धेरै नै देखियो । साउन २५ गतेबाट दोसंो बजारमा कारोबार हुन थाल्यो । कम्पनीको सेयर मूल्य ३९७ रुपैयाँ रहेको थियो । त्यसपछि कम्पनीको सेयरले नयाँ नयाँ रेकर्ड कायम गर्दै गयो ।
बिहीबारसम्म कम्पनीको सेयर मूल्य प्रति कित्ता १४४५ रुपैयाँ पुगेको छ । असार एक हजार रुपैयाँ लगानी गर्ने लगानीकर्ताको सम्पती अहिले १४ हजार ४५० रुपैयाँ पुगेको छ । कम्पनीले लगानीकर्तालाई २० प्रतिशत लाभांश समेत दिने घोषणा गरिसकेको छ ।
अजोड इन्स्योरेन्सः
कम्पनीले सेयर साउन १९ गतेबाट कारोबार हुन थाल्यो । पहिलो कारोबार प्रतिकित्ता २९१ रुपैयाँबाट सुरु भएको थियो । त्यही दिन बढेर ३२० रुपैयाँ पुग्यो । त्यसपछि कम्पनीको सेयर मूल्य लगातार जस्तै बढी रहेको थियो ।
अजोडले प्रति कित्ता १०० रुपैयाँका दरले २९ लाख ३० हजार कित्ता सेयर सर्वसाधारणका लागि निष्काशन गरेकोमा कम्पनीका कर्मचारी र सामूहिक लगानी कोषलाई छुट्याएर २७ लाख ३० हजार कित्तामा सर्वसाधारणले आवेदन दिएका थिए । त्यो बेला जसलाई १ हजार रुपैयाँको सेयर परेको थियो । आजको उसको एक हजारको सम्पती १० हजार ३१० रुपैयाँको भएको छ । पछिल्लो एक सातायता कम्पनीको सेयर निकै नै बढिरहेको छ ।
रिलायन्स लाइफ इन्स्योरेन्सः
कम्पनीले भदौ ४ गतेबाट आइपीओ निष्काशन गर्यो । भदौ २३ गतेबाट सेयर कारोबारमा पनि आयो । पहिलो दिन कम्पनीको सेयर मूल्य प्रति कित्ता ३४० रुपैयाँ रहेको थियो । अहिले निरन्तर बढेर ७२१ रुपैयाँ पुगेको छ । जुन लगानीकर्ताले भदौमा यो कम्पनीमा एक हजार रुपैयाँ लगानी गरे उसको सम्पनी अहिले ७ हजार २१० रुपैयाँ पुगेको छ ।
जनरल इन्स्योरेन्सः
रिलायन्स लाइफ भन्दा करिब १ महिनापछि अर्थात अजोस २८ गतेबाट दोस्रो बजारमा जनरल इन्स्योरेन्सको सेयर कारोबार भएको हो । अहिले रिलायन्सको जति नै सेयर मूल्य पुगेको छ । पहिलो दिन कम्पनीको सेयर मूल्य प्रतिकित्ता ३३५ रुपैयाँ रहेको थियो । अहिले ७२१ रुपैयाँ पुगेको असोजमा छ । असोजमा एक हजार रुपैयाँ लगानी गर्ने लगानीकर्ता अहिलेको सम्पनी अहिले ७ हजार २१० रुपैयाँ पुगेको छ ।
सानीमा जनरल इन्स्योरेन्सः
कम्पनीले असोज २१ गतेबाट सर्वसाधारणका लागि आइपीओ निष्काशन गरयो कात्तिक १९ गतेबाट दोस्रो बजारमा कारोबार सुरु भयो । कारोबारको पहिलो दिन प्रति कित्ता ३४२ रुपैयाँ रहेको सेयर ५ महिनाको अवधिमा बढेर ७४५ रुपैयाँ पुगेको छ । यो कम्पनीमा पनि कात्तिकमा एक हजार रुपैयाँ लगानी गरेका लगानीकर्ताको सम्पती ७ हजार ४५० रुपैयाँ पुगेको छ ।
एनआईसी एसिया लघुवित्त वित्तीय संस्थाः
कम्पनीले असार १० गतेबाट प्रतिकित्ता १०० रुपैयाँका दरले आइपीओ निष्काशन गरेको थियो । त्यो बेला कम्पनीको सेयरमा एक हजार रुपैयाँ लगानी गर्नेको सम्पती अहिले ८ हजार ७४० रुपैयाँ पुगेको छ । बिहीबारसम्म कम्पनीको सेयर मूल्य प्रति कित्ता ८७४ रुपैयाँ रहेको छ । कम्पनीको सेयर मूल्य अहिले दैनिक जसो उच्च बिन्दुमा बढी नै रहेको छ ।
माउन्टेन इनर्जी :
अहिले राम्रो कम्पनीको रुपमा माउन्टेन इनर्जी पनि एक रहेको छ । कात्तिक २६ गतेबाट कम्पनीले प्रति कित्ता एक सय रुपैयाँको दरले सेयर निष्काशन गर्यो । पुस १ गतेबाट दोस्रो बजारमा कारोबार सुरु भयो ।
पहिलो दिन प्रति कित्ता ३७८ रुपैयाँ पुगेको थियो । त्यसपछि कम्पनीको सेयर मूल्यमा निरन्तर बढोत्तरी भइरहेको थियो । बिहीबारसम्म कम्पनीको सेयर मूल्य प्रतिकित्ता ७०२ रुपैयाँ पुगेको छ । कात्तिकमा एक हजार रुपैयाँ लगानी गर्ने लगानीकर्ताको सम्पती अहिले ७ हजार २० रुपैयाँ पुगेको छ ।
प्रभु लाइफ इन्स्योरेन्स:
प्रभु लाइफ इन्स्योरेन्सले मंसिर २९ गते बाट आपीओ निष्काशन गरेको थियो । प्रतिकित्ता एक सय रुपैयाँको दरले निष्काशन भएको सेयर पुस १९ गतेबाट दोस्रो बजारमा कारोबार हुन थालेको हो । पहिलो दिन १४१ रुपैयाँ रहेको सेयर मूल्य अहिले प्रतिकित्ता ८२२ रुपैयाँ पुगेको छ । कम्पनीले सेयर मूल्य ९२४ रुपैयाँसम्म पुगेको थियो । अहिले घटेर बिहीबारसम्म आइपुग्दा ८२२ रुपैयाँ रहेको छ । मंसिरमा १ हजार रुपैयाँ लगानी गरेका लगानीकर्ताको सम्पती अहिले ८ हजार २२० रुपैयाँ पुगेको छ ।
वि.सं.२०७७ चैत २१ शनिवार १८:२८ मा प्रकाशित
