काठमाडौं । प्रधानमन्त्री केपी शर्मा ओलीले सरकारले सकेसम्म लकडाउनमा नजान सोच बनाएको बताउनु भएको छ । नयाँ वर्षको अवसरमा राष्ट्रको नाममा सम्बोधन गर्दै यस्तो बताउनु भएको हो ।
उहाँले यसअघि प्रधानमन्त्रीले नै लकडाउन गर्ने भनेर धम्की दियो भन्ने हल्ला चलाएको भन्दै आफूले कसैलाई पनि धम्की नदिएको बताउनु भयो । उहाँले परिस्थिती बिग्रिन नदिन सबैलाई सचेत बन्न आग्रह गर्नुभयो । उहाँका अनुसार कतिपयले आजै, अहिले नै, भरे नै भोली नै लकडाउन हुन्छ भन्ने हल्ला चलाएको भन्दै उहाँले त्यस्तो हल्लाको पछि नलाग्न आग्रह गर्नुभयो ।
सरकार सकेसम्म लकडाउनमा जाने पक्षमा नरहेको र कोरोनाबाट बच्नको लागि तोकेको मापदण्ड, सरकारले गरेको आग्रह पालना गर्न सबैलाई आग्रह गर्नुभएको छ । उहाँले आफू सूरक्षित बन्न र अरुलाई पनि सुरक्षित रहन आग्रह गर्नुभएको छ ।
यूरोपका देश, विकसीत भएका देश महामारी फैलिएका कारण लकडाउन गर्न बाध्य भएको भन्दै दोस्रो तेस्रो चरणमा फैलिएको लहरबाट बच्न लकडाउनको सहारा लिनुपरेको स्मरण गराउनु भयो ।
वि.सं.२०७८ वैशाख १ बुधवार ११:४४ मा प्रकाशित
