काठमाडौं । नबिल बैंकले ‘नबिल स्मार्ट बैंक एप मा कार्ड इन्ट्रिग्रेसन’ सुविधाको सुरुवात गरेको छ । अब ग्राहकले आफ्नो कार्डको जानकारी जस्तै कार्ड स्टेटमेन्ट, कारोबारको विवरण, कार्ड ब्यालेन्स साथै कार्ड सक्रियता-निष्क्रियता तथा कार्ड मार्फत साइन अप जस्ता कार्यहरु नबिल स्मार्टबैंक एप द्वारा नै गर्न सक्नेछन् ।
विश्वव्यापी रुपमा फैलिएको कोभिड–१९ महामारीको समयमा ग्राहकहरुको हित तथा आवश्यकतालाई मध्यनजर गर्दै स्वस्थ्य एवम सुरक्षित सुविधा प्रदान गर्ने उद्देश्यले बैंकले यो सुविधा डेबिट, क्रेडिट, तथा प्रिपेड कार्डहरुमा उपलब्ध गराएको छ ।
सन् १९८४ देखि आफ्ना ग्राहकहरुलाई समायनुकुल सेवा प्रदान गर्दै आएको बैंकको ११९ शाखा, १८५ एटिएम र १५ सय भन्दा बढि नबिल रेमिट एजेन्टहरु रहेको छ । बैंकले नेपाली बैंकिङ्ग क्षेत्रमा नविनतम् सेवाको शुरुवात गर्न अग्रणी भूमिका खेल्नुका साथै नेपालको बैंकिङ्ग विकासको ईतिहासमा कोसेढुङ्गाको रुपमा काम गर्दै आएको छ ।
वि.सं.२०७८ वैशाख २ बिहीवार ११:४३ मा प्रकाशित
