काठमाडौं । आज ( बैशाख ३) गते बिहान ८ बजे रूरू जलविद्युत् परियोजनाको आईपीओ बाँडफाँड हुने भएको छ ।
परियोजनाको आइपीओमा २ करोड ३४ लाख १४ हजार १४० कित्ताका लागि १६ लाख ७० हजार ९११ जनाले आवेदन दिएकाे विक्री प्रबन्धक एनएमबि क्यापिटलले जानकारी दिएको छ ।
क्यापिटलका अनुसार यो आइपीओमा २ अर्ब ८० करोड ९६ लाख ९६ हजार ८ सय रुपैयाँको आवेदन परेको छ ।
परियोजनाले चैत २० गतेदेखि आइपीओ निष्काशन गरेको थियो । प्रति कित्ता १०० रुपैयाँ अंकित मूल्यमा २० रुपैयाँ प्रिमियम थपेर प्रति कित्ता १२० रुपैयाँमा आइपीओ निष्कासन गरेको हो ।
४ लाख ७ हजार ७०६ कित्ता आइपीओमा ८ हजार १५४ कित्ता कर्मचारी र २० हजार ३८५ कित्ता म्युचुअल फन्डहरुलाई छुट्याइएको थियो । बाँकी ३ लाख ७९ हजार १६७ कित्ता लागि सर्वसाधारणलाई निष्काशन गरिएको थियो ।
माग भन्दा बढि आवेदन परेका कारण गाेलाप्रथा गरेर बाँडफाँड हुने छ ।
वि.सं.२०७८ वैशाख ३ शुक्रवार ०७:२१ मा प्रकाशित
