काठमाडौं । नेपाल बंगलादेश बैंकले १ अर्ब ६३ करोड ८४ लाख रुपैयाँ नाफा कमाएको छ । बैंकले मंगलावार सार्वजनिक गरेको चालु आर्थिक वर्षको तेस्रो त्रैमासको वित्तीय विवरणले यस्तो देखाएको छ ।
वित्तीय विवरण अनुसार बैंकले गत वर्षभन्दा यस वर्ष ६३ प्रतिशत बढी खुद नाफा गरेको छ । गत वर्ष यस अवधिसम्म १ अर्ब ५० लाख रुपैयाँ खुद नाफा गरेको थियो ।
यस अवधिसम्म कम्पनीको वितरणयोग्य नाफा ९८ करोड ३२ लाख रुपैयाँ रहेको छ । बैंकको चुक्तापूँजी ९ अर्ब ४८ लाख रुपैयाँ, जगेडा कोषमा ५ अर्ब ८९ करोड ४७ लाख रुपैयाँ रहेको छ ।
यस्तै, बैंकले तेस्रो त्रैमासमा ७३ अर्ब २९ करोड १० लाख ५६ हजार निक्षेप संकलन गरेको छने भने ६६ अर्ब २७ करोड १८ लाख रुपैयाँ कर्जा प्रवाह गरेको छ । बैंकको प्रतिसेयर आम्दानी २४ रुपैयाँ २६ पैसा र प्रतिसेयर नेटवर्थ १६५ रुपैयाँ ७६ पैसा रहेको छ ।
वि.सं.२०७८ वैशाख १४ मंगलवार १३:४८ मा प्रकाशित