काठमाडौं । यस साता नेपाल स्टक एक्सचेन्ज (नेप्से) परिसुचक ३६.९ अंकले घटेको छ । गत हप्ता नेप्से परिसुचक २६४८.०१ विन्दुमा पुगेर बन्द भएको थियो ।
यो हप्ताको अन्तिम कारोबार दिन अर्थात् बिहीबारसम्म आउँदा नेप्से परिसुचक २६११.११ बिन्दुमा झरेको छ । यस साता आइतबार र सोमबार दुई दिनसम्म सेयर बजार लगातर घटेको थियो । त्यसपछि मंगलबार बढेको नेप्से बुधबार घटेको थियो भने बिहीबार पुनः बढेको थियो ।
यस्तै, यस हप्ता २७ अर्ब ३३ करोड १६ लाख ७० हजार रुपैयाँको शेयर कारोबार भएको छ । यस साता नेप्सेमा ५ करोड ६५ लाख ८८ हजार २९४ कित्ता शेयर खरिद बिक्री भएको छ । यसैगरि साताको कारोबार संख्या भने ३ लाख ५१ हजार ३२२ रहेको छ ।
वि.सं.२०७८ वैशाख १७ शुक्रवार १६:३३ मा प्रकाशित
