काठमाडौं । महिला लघुवित्त वित्तीय संस्थाले चालु आर्थिक वर्षको तेस्रो त्रैमासको वित्तीय अवस्ता सार्वजनिक गरेको छ ।
संस्थाले यो अवधिमा ६ करोड ४२ लाख ४३ हजार रुपैयाँ नाफा आर्जन गरेको छ । जुन गत आवको सोही अवधिको तुलनामा
११२.५४ प्रतिशतले बढेको छ । गत आवको सोही अवधिमा ३ करोड २ लाख २५ हजार रुपैयाँ रहेको छ ।
यो अवधिमा संस्थाको खुद ब्याज आम्दानी र सञ्चालन मुनाफामा आएको सुधारसँगै नाफामा बढोत्तरी देखिएको छ । संस्थाको खुद ब्याज आम्दानी १६ करोड ५ लाख ६ हजार रुपैयाँ पुगेको छ भने सञ्चालन मुनाफा ७ करोड ९२ लाख ४६ हजार रुपैयाँ पुगेको छ ।
१० करोड रुपैयाँ चुक्ता पुँजी रहेको संस्थाको जगेडा कोषमा १९ करोड १८ लाख ३९ हजार रुपैयाँ रहेको छ । यो अवधिमा संस्थाले ८६ करोड २८ लाख ६४ हजार निक्षेप संकलन गरेको संस्थाले ३ अर्ब १८ करोड ९४ लाख रुपैयाँ कर्जा प्रवाह गरेको छ ।
यो अवधिमा कम्पनीको खराब कर्जा २.५३ प्रतिशतबाट घटेर २.२५ प्रतिशतमा झरेको छ ।संस्थाको प्रतिसेयर आम्दानी ८५ रुपैयाँ ६६ पैसा र प्रतिसेयर नेटवर्थ २९१ रुपैयाँ ८४ पैसा रहेको छ ।
२०७७ माघमा सर्वसाधारणलाई आईपीओ जारी गरी चैत ३ गतेदेखि धितोपत्र दोस्रो बजारमा कारोबार शुरु भएको यस कम्पनीको छोटो अवधिभित्रै सेयरमूल्यमा निरन्तर उछाल आएको छ । कम्पनीको सेयर मूल्य उच्च दरमा वृद्धिभई प्रतिकित्ता ३ हजार १२५ पुगेको छ ।
वि.सं.२०७८ वैशाख १९ आइतवार ११:४१ मा प्रकाशित