काठमाडौं । सीईडीबी हाइड्रोपावर डेभलपमेन्टको आईपीओमा १५ लाख ३६४ जनाले आवेदन दिएका छन् ।
सोमाबर साँझ ५ बजेसम्म २ अर्ब ३० करोड ७३ लाख २३ हजार ६ सय रुपैयाँ बराबरको २ करोड ३० लाख ७३ हजार २३६ कित्ता आवेदन परेको बिक्री प्रबन्धक सनराइज क्यापिटले जानकारी दिएको छ ।
कम्पनीले शुक्रबारदेखि सर्वसाधारणका लागि २५ लाख १८ हजार २३० कित्ता आइपीओ निष्कासन गरेको थियो । कुल आईपीओमा ५० हजार ३६५ कित्ता कर्मचारी र १ लाख २५ हजार ९११ कित्ता सामुहिक लगानी कोषको लागि छुट्याएको छ । त्योअनुसार २३ लाख ४१ हजार ९५४ कित्ता शेयरमा सर्वसाधारणले आवेदन दिन सक्नेछन ।
आवेदन दिने मिति छिटोमा बैशाख २१ गतेसम्म खुल्ला गरिने छ । सो अवधिमा पूर्ण आवेदन नपरेमा बैशाख ३१ गते सम्म आवेदन दिन सक्ने कम्पनीले जानकारी गराएको छ ।
सर्वसाधारणले न्यूनतम १० कित्ताका लागि आवेदन दिन सक्नेछन् भने अधिकतम २५ लाख १८ हजार २३० कित्ता शेयर खरीदका लागि आवेदन दिनुपर्नेछ । कम्पनीले निष्कासन गर्ने आइपीओलाई केयररेटिङ नेपालले केयर एनपी डबल वि आइएस रेटिङ प्रदान गरेको छ ।
वि.सं.२०७८ वैशाख २० सोमवार १७:१९ मा प्रकाशित