काठमाडौं । युनियन हाइड्रोपावर लिमिटेडले चालु आर्थिक वर्षको तेस्रो त्रैमासमा ८९ लाख ६७ हजार ८६१ रुपैयाँ नाफा कमाएको छ ।
आइतबार कम्पनी सार्वजनिक गरेको तेस्रो त्रैमासिक वित्तीय विवरणले यस्तो देखाएको हो । कम्पनीको नाफा गत वर्षको सोही अवधिको तुलनामा १५.१४ प्रतिशतले बढी हो । गत वर्ष ७७ लाख ८८ हजार ४९० रुपैयाँ नाफा कमाएको थियो ।
कम्पनीले चालु आवको तेस्रो त्रैमासम्ममा विद्युत बिक्रीबाट ५ करोड ४५ लाख ६९ हजार रुपैयाँ आम्दानी गरेको छ । गत वर्षको सोही अवधिको तुलनामा कम्पनीले विद्युत बिक्री आम्दानी १.२२ प्रतिशतले मात्र वृद्धि भएको हो । गत वर्ष ५ करोड ३९ लाख १० हजार रुपैयाँ आम्दानी गरेको थियो ।
कम्नपीको चुक्तापूँजी ७५ करोड रुपैयाँ रहेको छ । जगेडा कोष भने ऋणात्मक रहेको छ । उक्त कोष ७ करोड ४२ लाख ७८ हजार ऋणात्मक रहेको छ ।
कम्पनीको प्रतिसेयर आम्दानी २ रुपैयाँ ३९पैसा र प्रतिसेयर नेटवर्थ ९० रुपैयाँ १० पैसा रहेको छ । मूल्य आम्दानी अनुपात ५४.८१, तरलता अनुपात ९.१६ रहेको छ ।
वि.सं.२०७८ वैशाख २६ आइतवार १२:२० मा प्रकाशित