काठमाडौं । पछिल्लो समयमा वाणिज्य बैंकहरुको निक्षेप संकलन तथा कर्जा लगानीमा सामान्य वृद्धि भएको छ ।
नेपाल बैंकर्स संघका अनुसार वैशाख २४ गतेसम्म आईपुग्दा निक्षेप संकलन ३९ खर्ब ३३ अर्ब रुपैयाँ पुगेको छ भने कर्जा लगानी ३६ खर्ब ९ अर्ब रुपैयाँ पुगेको छ ।
गत साताको तुलनामा यो साता बैंकहरुको निक्षेप संकलन १० अर्बले बढेको छ भने कर्जा लगानी १५ अर्ब रुपैयाँले बढेको छ ।
चैत अन्तिम सातको तुलनामा वैशाख तेस्रो साता नजिक आईपुग्दा बैंकको निक्षेप घटेको छ भने कर्जा लगानी बढेको छ । चैत अन्तिमसाता बैंकहरुले ३९ खर्ब ४४ अर्ब रुपैयाँ निक्षेप संकलन गरेर ३५ खर्ब ७३ अर्ब कर्जा लगानी गरेका थिए ।
वैशाख २४ सम्म आइपुग्दा वाणिज्य बैंकहरुले ३९ खर्ब ३३ अर्ब रुपैयाँ निक्षेप संकलन गरेर ३६ खर्ब ९ अर्ब कर्जा लगानी गरेका छन् । बैंकमा निक्षेप संकलनको तुलनामा कर्जाको माग बढेको देखिएको छ ।
पछिल्लो समय देशब्यापी रुपमा कोरोना संक्रमण बढेसँगै बैंकमा आउने पैसा घटेको छ । कर्जा लगानी थोरै बढेको छ ।
वि.सं.२०७८ वैशाख २७ सोमवार १८:११ मा प्रकाशित
