काठमाडौं । विद्युत उत्पादन सुरु नगरेको अपर तामाकोशीको नोक्सानी विस्तारै घटन थालेको छ । गत आर्थिक वर्षको तेस्रो त्रैमासमा ४ करोड ४४ लाख ९६ हजार ४१८ रुपैयाँ नोक्सानीमा रहेको कम्पनीको नोक्सान चालु आवको सोही अवधिमा आईपुग्दा घटेर ३ करोड ५० लाख २८ हजार ६७६ रुपैयाँ रहेको छ ।
कम्पनीले विद्युत उत्पादन नगरेको कारण अहिलेसम्म कुनै पनि आम्दानीको स्रोत छैन । तर अन्य स्रोतमार्फत १ लाख ३० हजार ९ रुपैयाँ आम्दानी गरेको रिपोर्टमा उल्लेख छ । कम्पनीको चुक्ता पुँजी १० अर्ब ५९ करोड रुपैयाँ रहेको छ भने ८२ करोड ५६ लाख २२ हजार २५८ रुपैयाँ रिटेन्ड अर्निङ ऋणात्मक रहेको छ ।
कम्पनीको दिर्घकालिन ऋणको आकार बढिरहेको छ । गत आवको तेस्रो त्रैमासमा ३४ अर्ब १० करोड रहेकोमा चालु आवको सोही अवधिमा आईपुग्दा ४० अर्ब ५८ करोड ३० लाख ९८ हजार रुपैयाँ दीर्घकालीन ऋण रहेको छ ।
कम्पनीको प्रतिसेयर आम्दानी ३३ पैसा ऋणात्मक रहेको कम्पनीको प्रतिसेयर नेटवर्थ ९२ रुपैयाँ २० पैसा रहेको छ ।
वि.सं.२०७८ वैशाख २८ मंगलवार १०:०४ मा प्रकाशित