काठमाडौं । काठमाडौं उपत्यकामा पुन दुई साताको लागि निषेधाज्ञा थप भएको छ । काठमाडौं, भक्तपुर र ललितपुरका प्रमुख जिल्ला अधिकारीको बैठकले थप दुई साता अर्थात जेठ १३ गतेसम्म निषेधाज्ञा गर्ने निर्णय गरेको हो ।
अबको निषेधाज्ञा पहिलाको भन्दा निकै कडा हुने भएको छ । यसअघि निषेधाज्ञाको समयमा विवाह, ब्रतबन्ध तथा शुभ कार्यका लागि केही सहज भएपनि अब भने झनै कडा हुने भएको छ । अब अति अत्यावश्यक बाहेकका सबै कार्यालय बन्द हुने भएको छ । यसअघि रातीको समयमा भौतिक पूर्वाधारको काम गर्न सहजिकरण गरेको भएपनि अब त्यो रोकिने भएको छ । यसअघि गरेको निषेधाज्ञा
बुधबार राति १२ बजे सकिँदैछ । तेस्रो चरणमा गरेको निषेधाज्ञाको आधिकारीक सूचना आजै साँझ प्रकाशित हुने भएको छ ।
वि.सं.२०७८ वैशाख २८ मंगलवार १४:३५ मा प्रकाशित