काठमाडौं । मंगलबार सेयर बजार दोहोरो अंकले बढेको छ । आज बजार २७.४७ अंकले बढेको हो । बजार परिसुचक पनि २६७३.३१ अंकको बिन्दुमा पुगेर बन्द भएको छ ।
उक्त दिन कारोबार रकम पनि बढेको छ । आज ५ अर्ब ८१ करोड ६ लाख ७३ हजार रुपैयाँ बराबरको कारोबार भएको छ । अघिल्लो दिन ४ अर्ब २० करोड बराबरको कारोबार भएको थियो ।
मंगलबार बैंकिङ समूह ३.३८ अंक, व्यापार समूह २२१.६७ अंक, होटेल तथा पर्यटन २३.१९, डेभलपमेन्ट बैंक १५.२३, जलविद्युत २१.०७, फाइनान्स १७.४९, निर्जीवन बीमा १७६.४८, उत्पादक तथा प्रसोधन समूह १३९.७, अन्य ५३.१३, माइक्रोफाइनान्स ६५.१२, जीवन बीमा २६७.१८, म्युचुअल फण्ड ०.०२ र लगानी समूह १.४९ अंकले बढेको छ ।
आज पनि नेपाल पुनर्बीमा कम्पनीको सर्वाधिक कारोबार भएको छ । कम्पनीको ७६ करोड ६५ लाख ३४ हजार रुपैयाँ बराबरको कारोबार भएको छ ।
वि.सं.२०७८ वैशाख २८ मंगलवार १५:१३ मा प्रकाशित
