काठमाडौं । नर्भिक इन्टरनेशनल हस्पिटलले पछिल्लो समय अस्पतालमा अक्सिजनको चरम अभाव रहेको जानकारी गराएको छ ।
कोभिडको संक्रमण बढेसँगै अक्सिजनको चरम अभाज भएको भन्दै राज्यको अनुदार नीतिले झन समस्यालाई बल्झाएको जनाएको छ ।
सरकारले तोकिएको कोटा अनुसार अक्सिजन समेत उपलब्ध नगराएको र अवस्था यसै गरी अघि बढ्ने हो भने अकल्पनीय घटना घटन सक्ने अनुमान सहजै गर्न सकिने जारी विज्ञप्तिमा उल्लेख छ ।
अक्सिजन लगायत अन्य उपचार सामग्री उपलब्ध भएसम्म बिरामीको उपचार सेवामा कुनै कमी हुन नदिने तर स्थिति काबु भन्दा बाहिर नजाओस भनि प्रयत्नशील रहेको जनाएको छ ।
‘यो समय बाँच्ने र बचाउने समय हो’ जारी विज्ञप्तिमा भनिएको छ ‘हामी नेपाल सरकारका सम्बद्ध निकायहरूका साथै सबै पक्षलाई संवेदनशील भएर कोभिडविरुद्धको लडाईमा अत्यन्त सुझबुझ र विवेकशील भै आ–आफ्नो दायित्व निर्वाह गरिदिनुहुन आह्वान गर्दछौं ।’
वि.सं.२०७८ वैशाख २९ बुधवार १३:५२ मा प्रकाशित