काठमाडौं । नेपालको ७५० स्थानीय तहहरुमा वाणिज्य बैंकहरुको शाखा विस्तार भएको छ । चालु आवको चैतसम्म ती स्थानीय तहहरुमा वाणिज्य बैंकहरुको शाखा विस्तार भएको छ ।
बैंकहरुको शाखा पुग्न अब कुल ७५३ स्थानीय तहमध्ये अझै तीन तहमा पुग्न बाँकी रहेको छ । गत वर्षको चैसम्म ७४६ स्थानीय तहमा वाणिज्य बैंकहरुको शाखा विस्तार भएका थिए ।
राष्ट्र बैंकबाट इजाजतप्राप्त बैंक तथा वित्तीय संस्थाहरुको संख्या चैसान्तसम्ममा १४० रहेको छ । जसमध्ये २७ वाणिज्य बैंक, १८ विकास बैंक, २० वित्त कम्पनी, ७४ लघुवित्त वित्तीय संस्था र १ पूर्वाधार विकास बैंक संचालनमा रहेका छन् ।
२०७७ असार मसान्तमा बैंक तथा वित्तीय संस्थाहरुको शाखा संख्या ९ हजार ७६५ रहेकोमा चैतमसान्तसम्म १० हजार ५४६ पुगेको छ ।
वि.सं.२०७८ वैशाख २९ बुधवार १७:४० मा प्रकाशित