काठमाडौं । नेपाल इन्भेष्टमेन्ट बैंक र हिमालयन बैंकबीच मर्जरको लागि भोली (बिहीबार) सम्झौता पत्रमा हस्ताक्षर हुने भएको छ ।
हिमालयन बैंक स्रोतका अनुसार सम्झौता पत्रका बिहीबार हस्ताक्षर हुन लागेको हो । बैंकको स्वाप १ः१ रहेको छ ।
मर्ज भएपछि हुने बैंकको प्रमुख कार्यकारी अधिकृत (सिइओ)मा हाल हिमालयन बैंकका सिइओ अशोक राणा नै हुने छन् भने दुवै बैंकको अध्यक्षमा हाल इन्भेष्टमेन्ट बैंकका अध्यक्ष पृथ्वी पाँडे हुनेछन् ।
हाल इन्भेष्टमेन्ट बैंकका सीइओ ज्योति पाण्डे एक तह घटुवा भएर डेपुटी सीइओको जिम्मेवारीमा रहनेछन् । मर्जरपछि यो नै सबैभन्दा ठूलो बैंक हुनेछ । बैंकको नाम हिमालयन एण्ड नेपाल इन्भेष्टमेन्ट बैंक हुने छ ।
वि.सं.२०७८ वैशाख २९ बुधवार १९:०६ मा प्रकाशित