काठमाडौं । प्रभु इन्स्योरेन्सले चालु आर्थिक वर्षको तेस्रो त्रैमासिक वित्तीय परिणाम सार्वजनिक गरेको छ ।
कम्पनीले बिहीवार सार्वजनिक गरेको वित्तीय परिणाम अनुसार चालु आवको तेस्रो त्रैमाससम्म १५ करोड ९८ लाख ३५ हजार रुपैयाँ नाफा कमाएको छ ।
कम्पनीको यो नाफा गत वर्षको सोही अवधिको तुलनामा ४.९५ प्रतिशतले बढी हो । गत वर्षको तेस्रो त्रैमासमा कम्पनीले १५ करोड २२ लाख ९३ हजार रुपैयाँ कमाएको थियो ।
कम्पनीले चैतमसान्तसम्म १ अर्ब १५ करोड ७२ लाख ८७ हजार रुपैयाँ कुल बीमाशुल्क आर्जन गरेको छ । गत वर्षको सोही अवधिको तुलनामा कम्पनीको कुल बीमाशुल्क आर्जन ४.३१ प्रतिशतले कम हो ।
गत वर्षको तेस्रो त्रैमासमा १ अर्ब २० करोड ९५ लाख ३४ हजार रुपैयाँ आर्जन गरेको थियो । चालु आवको तेस्रो त्रैमाससम्म कम्पनीले २९ करोड ३९ लाख ३९ हजार रुपैयाँ कुल दावी भुक्तानी गरेको छ । भुक्तानी हुन बाँकी दावी रकम भने १६ करोड ९२ लाख ९५ हजार रुपैयाँ देखिएको छ ।
कम्पनीको जारी बीमालेखको संख्या ८० हजार ४८७ र नवीकरण गरिएको बीमालेखको संख्या १८ हजार ५५८ रहेको छ ।
कम्पनीको चुक्तापूँजी १ अर्ब ५ करोड ६२ लाख ७५ हजार रुपैयाँ पुगेको छ ।
जगेडा तथा कोष २८ करोड ९३ हजार १३ रुपैयाँ, बीमा कोष ७८ करोड ८९ हजार ७६ रुपैयाँ र महाविपत्ती जगेडा ११ करोड ७० हजार १४ हजार रुपैयाँ रहेको छ ।
कम्पनीको प्रतिसेयर आम्दानी १५ रुपैयाँ, प्रतिसेयर नेटवर्थ २१३ रुपैयाँ रहेको छ । मूल्य आम्दानी अनुपात ६४ रुपैयाँ, तरलता अनुपात २.६८ र प्रतिसेयर कुल सम्पत्तिको मूल्य ३१३ रुपैयाँ रहेको छ ।
वि.सं.२०७८ वैशाख ३० बिहीवार १३:२६ मा प्रकाशित
