back
NMB ad

हिमालयन र इन्भेष्टमेन्ट बैंकको महा मर्जरः २७ अर्ब पुँजी भएको बैंक बन्यो, अन्य सूचक कस्ता देखिए ?

Kumari bank ad

काठमाडौं । अथक मेहनतपछि हिमालयन र नेपाल इन्भेष्टमेन्ट बैंक महा मर्जरको लागि आज सम्झौता हुने भएको छ ।

स्रोतका अनुसार साउन पहिलोसाताबाट एकिकृत कारोबार हुने गरी सम्झौता हुन लागेको छ । यो सँगै नेपालकै सबैभन्दा ठ्रूलो बैंक हिमालयन एण्ड नेपाल इन्भेष्टमेन्ट बैंक हुने भएको छ ।

चुक्ता पुँजी, निक्षेप परिचालन, कर्जा लगानी तथा सञ्चित कोषका आधारमा अब हिमालयन एण्ड नेपाल इन्भेष्टमेन्ट देशको सबैभन्दा ठूलो बैंक बन्ने पक्का छ ।

देशकै सबैभन्दा ठूलो बैंकको अध्यक्ष पृथ्वीबहादुर पाँडे हुने भएका छन् भने एउटा इतिहास बोकेको बैंकको प्रमुख कार्यकारी अधिकृत (सीईओ) अशोक राण हुने निश्चित छ । जो अहिले हिमालयन बैंकको सिइओ हुनुहुन्छ । यस्तै हाल नेपाल इन्भेष्टमेन्टका (सीईओ) ज्योतिप्रकाश पाण्डे एक तह घटुवा भएर डेपुटी प्रमुख कार्यकारी (डीसीईओ) हुनुहुने भएको छ ।

दुवै बैंक एक भएपछि बैंकको चुक्ता पुँजी २६ अर्ब ९४ करोड १७ लाख ३० हजार रुपैयाँ रहेको छ । चैत मसान्तसम्म हिमालयन बैंकको चुक्ता पुँजी १० अर्ब ६८ करोड ४४ लाख रुपैयाँ रहेको छ भने नेपाल इन्भेष्टमेन्टको १६ अर्ब २५ करोड ७३ लाख ३० हजार रुपैयाँ रहेको छ ।
यस्तै दुवै बैंक एक भएपछि बैंकको जगेडा कोषको आकार १९ अर्ब १४ करोड २९ लाख ८२ हजार रुपैयाँ हुनेछ । दुवै जोडदा बैंकको कोर पुँजी ४६ अर्ब ८ करोड ४७ लाख १२ हजार भन्दा बढी नै हुने देखिएको छ ।

अहिले हिमालयन बैंकको जगेडा कोषमा ६ अर्ब १९ करोड ७८ लाख ३५ हजार रुपैयाँ छ भने इन्भेष्टमेन्टको १२ अर्ब ९४ करोड ५१ लाख ४७ हजार रुपैयाँ रहेको वित्तीय अवस्थामा उल्लेख छ ।

यस्तै दुवै बैंक एक भएपछि बन्ने बैंकको निक्षेप २ खर्ब ९८ खर्ब २० करोड ८१ लाख ३ हजार भन्दा बढी हुने देखिएको छ । यस्तै कर्जा सापटी २ खर्ब ७७ अर्ब ६५ करोड ८१ लाख ७३ हजार रुपैयाँ भन्दा बढी हुने चैत महिनासम्मको तथ्याङकले देखाएको छ ।

हिमालयन बैंकले चैत मसान्तसम्म १ खर्ब ३२ अर्ब २४ करोड ९ लाख ७७ हजार रुपैयाँ निक्षेप संकलन गरेर १ खर्ब २१ अर्ब ५६ करोड ५८ लाख २ हजार रुपैयाँ कर्जा लगानी गरेको छ भने इन्भेष्टमेन्ट बैंकले १ खर्ब ६५ अर्ब ९६ करोड ७१ लाख २६ हजार रुपैयाँ निक्षेप संकलन गरेर १ खर्ब ५६ अर्ब ९ करोड २३ लाख ७१ हजार रुपैयाँ कर्जा लगानी गरेको देखिएको छ ।

चैत मसान्तसम्म हिमालयन बैंकले १ अर्ब २८ करोड ७१ लाख ५७ हजार रुपैयाँ नाफा आर्जन गरेको छ भने इन्भेष्टमेन्ट बैंकले २ अर्ब ८४ करोड ७१ लाख ३१ हजार रुपैयाँ नाफा आर्जन गरेको छ ।

दुवै बैंक मर्जरमा जानको लागि धेरै समय अघि नै चलअचल सम्पति तथा दायित्व मूल्याङकन (डीडीए) भइसकेको छ । डीडीएले हिमालयन बैंकको प्रतिसेयर मूल्य १०२ रुपैयाँ ५० पैसा र नेपाल इन्भेष्टमेन्ट बैंकको १०० रुपैयाँ देखाएको छ । मर्जपछि बैंकको शाखा संख्या १५२ पुुग्ने छ । अहिले हिमालयन बैंकको ६९ वटा र इन्भेष्टमेन्ट बैंकको ८३ शाखा कार्यालय रहेका छन् ।

वि.सं.२०७८ वैशाख ३० बिहीवार १५:४४ मा प्रकाशित

You can share this post!

त्रिभुवन विमानस्थलबाट एक किलो ७० ग्राम सुन बेवारिसे अवस्थामा फेला   

त्रिभुवन विमानस्थलबाट एक किलो ७० ग्राम सुन बेवारिसे अवस्थामा फेला   

वि.सं.२०८१ वैशाख ६ बिहीवार २१:१६

काठमाडौँ, ६ वैशाख : त्रिभुवन अन्तर्राष्ट्रिय विमानस्थलमा एक किलो ७०...

अब परीक्षा केन्द्रको निर्धारण स्वचालित विधिद्वारा हुने  

अब परीक्षा केन्द्रको निर्धारण स्वचालित विधिद्वारा हुने  

वि.सं.२०८१ वैशाख ६ बिहीवार २०:५२

काठमाडौँ, ६ वैशाख  : राष्ट्रिय परीक्षा बोर्डले कक्षा १२ को...

दक्षिण एसियामै स्वच्छ ऊर्जाका लागि नेपालको भूमिका महत्वपूर्ण छः अर्थमन्त्री पुन

दक्षिण एसियामै स्वच्छ ऊर्जाका लागि नेपालको भूमिका महत्वपूर्ण छः अर्थमन्त्री पुन

वि.सं.२०८१ वैशाख ६ बिहीवार १७:३३

काठमाडौँ । अर्थमन्त्री वर्षमान पुन अनन्तले नेपालको जलविद्युतमा गरिरहेको प्रगति...

सांसद डा शर्माद्वारा बाल अस्पताललाई  २० लाख रुपैंया सहयोग   

सांसद डा शर्माद्वारा बाल अस्पताललाई २० लाख रुपैंया सहयोग   

वि.सं.२०८१ वैशाख ६ बिहीवार १६:३४

काठमाडौँ, ६ वैशाखः प्रतिनिधिसभा सदस्य तथा व्यवसायी डा सुनील शर्माले...

लगानी कोष र सिउरी न्यादीबीच शेयर प्रत्याभूतिसम्बन्धी सम्झौता   

लगानी कोष र सिउरी न्यादीबीच शेयर प्रत्याभूतिसम्बन्धी सम्झौता   

वि.सं.२०८१ वैशाख ६ बिहीवार १६:२८

काठमाडौँ, ६ वैशाख : नागरिक लगानी कोष र सिउरी न्यादी...

नेप्सेमा दुई इन्स्योरेन्स कम्पनीको बोनस सेयरमा मूल्य समायोजन

नेप्सेमा दुई इन्स्योरेन्स कम्पनीको बोनस सेयरमा मूल्य समायोजन

वि.सं.२०८१ वैशाख ६ बिहीवार १६:२३

काठमाडौं । नेपाल स्टक एक्सचेञ्ज (नेप्से)ले बिहीबार दुई कम्पनीको मूल्य...