काठमाडौं । मल्टीपर्पस फिनान्स कम्पनीले आगामी असार ६ गते वार्षिक साधारणसभा गर्ने भएकोक छ । कम्पनीले २३औं सभाका प्रयोजनका लागि भोलि अर्थात सोमवार एक दिन बुक क्लोज गर्ने भएको छ ।
एक सूचना निकाल्दै कम्पनीले बुक क्लोजको आधारमा आजसम्म सेयर कायम गर्नुपर्ने जनाएको छ । केन्द्रीय कार्यालय राजविराज, सप्तरीमा बिहान ११ बजे बोलाएको सभाले कम्पनीको प्रबन्धपत्र र नियमावलीमा आवश्यक संशोधन गर्ने र कार्यक्षेत्र विस्तार गर्ने प्रस्ताव पारित गर्नेछ ।
साथै सभाले आव २०७६/७७ को वार्षिक प्रतिवेदन छलफल गरी पारित, आव २०७७/७८ को लागि लेखापरिक्षक नियुक्त गर्ने र निजको पारिश्रमिक निर्धारण गर्ने प्रस्ताव पनि पारित गर्नेछ । कम्पनीले सभाका लागि लाभांश भने प्रस्ताव गरेको छैन ।
वि.सं.२०७८ जेठ २३ आइतवार १४:४७ मा प्रकाशित
