काठमाडौं । बागमती प्रदेशले आगामी आर्थिक वर्षको नीति तथा कार्यक्रममा किसानका गरा, सधैं हराभरा बनाउने नीति अबलम्बन गरेको छ ।
आगामी आवको नीति तथा कार्यक्रम सार्वजनिक गर्दै ‘किसानका गरा, सधैं हराभरा हुने गरी सुख्खाटार लिफ्ट सिंचाई क्षेत्र विशेष कार्यक्रम’ लाई निरन्तरता दिने जनाएको छ ।
निर्माणाधीन तथा सम्पन्न भइसकेका सम्भाव्य भूमिगत स्यालो तथा डिप ट्युबवेल सिंचाई आयोजनाहरुमा सोलार प्रणाली जडान कायए अगाडि बढाइने योजना रहेको जनाएको छ ।
निर्माण सम्पन्न सिंचाई योजनाहरुको सालवसाली मर्मत सम्भारको निम्ति उपभोक्तालाई जिम्मेवार बनाउने नीति लिइने उल्लेख छ ।
जटिल प्रकृतिका सिंचाई योजन मर्मत सम्भारका लागि सिंचाई योजना मर्मत सम्भार कार्यक्रम लागुु गरिने भनिएको छ ।
नारायणी खगेरी सिंचाई आयोजनाको पम्प हाउस ‘ए’ को पूूर्ण रुपमा आधुनिकीकरण कार्य आगामी आर्थिक वर्षभित्र सम्पन्न गर्ने लक्ष्य रहेको जनाएको छ ।
वि.सं.२०७८ जेठ २८ शुक्रवार १३:०१ मा प्रकाशित