काठमाडौं । एनआईसी एशिया बैंक र सांग्रिला डेभलपमेण्ट बैंकले आउँदो असार ६ गतेदेखि दुई बैंकको ऋणपत्र बिक्री गर्ने भएका छन् ।
एनआईसी एशियाले १० वर्षे अवधिका लागि वार्षिक ८.५ प्रतिशत ब्याजदरको ३ अर्ब बराबरको ३० लाख कित्ता ऋणपत्र बिक्री गर्ने भएको छ ।जसमध्ये सर्वसाधरणमा १२ लाख कित्ता र १८ लाख कित्ता व्यक्तिगत तवबरबाट विभिन्न संस्थालाई बिक्री गर्ने बैंकले जनाएको छ ।
छिटोमा असार ९ गते र ढिलोमा असार २० गतेसम्म बिक्रीमा रहने उक्त ऋणपत्र खरिदका लागि न्युनतम २५ कित्तादेखि अधिकतम १५ लाख कित्तासम्म आवेदन दिन सकिने बैंकले जनाएको छ । प्रतिऋणपत्र १ हजार रुपैयाँ रहेको छ । उक्त ऋणपत्र बिक्री प्रबन्धकमा सनराइज क्यापिटल रहेको छ ।
उक्त ऋणपत्रमा बिक्री प्रबन्धकसंगै आस्वा सेवामा सहभागि सम्पूर्ण बैंक तथा वित्तीय संस्था र शाखा कार्यालय, मेरो सेयरमार्फात आवेदन दिन सकिने छ ।
यस्तै, सांग्रिला डेभलपमेन्ट बैंकले १० वर्षे अवधिको वार्षिक ९ प्रतिशत ब्याजदर भएको ७५ करोड बराबरको ७ लाख ५० हजार कित्ता ऋणपत्र बिक्री गर्ने भएको छ ।
जसमध्ये ३ लाख कित्ता सामूहिक लगानी कोषसहित सर्वसाधरणका लागि र ४ लाख ५० हजार कित्ता व्यक्तिगत तवरबाट विभिन्न संघ/संस्थाहरुलाई बिक्री गर्ने बैंक जनाएको छ ।
प्रतिकित्ता १ हजार रुपैयाँ अंकित गरिएको बैंकले जनाएको छ । उक्त ऋणपत्र बिक्री प्रबन्धकमा एनआईबीएल एस क्यापिटल रहेको छ ।
उक्त ऋणपत्र खरिदका लागि न्युनतम २५ देखि अधिकतम ३ लाख कित्तासम्म आवेदन दिन सकिने बैंकले जनाएको छ । आवेदन छिटोमा असार ९ र ढिलोमा असार २० गतेसम्म आवेदन दिनु सकिने छ ।
वि.सं.२०७८ जेठ २८ शुक्रवार १२:५१ मा प्रकाशित