जनकपुरधाम । प्रदेश नम्बर २ का प्रदेश प्रमुख डा. राजेश अहिराज माछा फार्मको पोखरीमा डुबेर ज्यान गुमाएका पाँच बालिकाको घरमा राहत लिएर जानु भएको छ ।
क्लोथ बैंक नेपालको सहकार्यमा वितरण गरिएको राहत लिएर छोरी गुमाएका परिवारको घरमा जानु भएको हो । धनुषाको मुखियापट्टी मुसहरनियाको लक्ष्मीपुरको माछा फार्मको पोखरीमा डुबेर एकै परिवारका ५ जना छोरीको ज्यान गएको थियो । उनीहरुको परिवारलाई खाद्यन्न तथा स्वास्थ्य सामग्री प्रदान गरेको छ ।
प्रदेश २ प्रमुख डा. अहिराजको व्यक्तिगत तबरबाट प्रति परिवारलाई एक/एक क्वीन्टल चामल र बैंकको तर्फबाट लुगा, झुल, कम्वल, मास्क, सेनिटाइजर र साबुन लगायतका सामग्री वितरण गरिएको छ ।
धनुषाको मुखियापट्टी मुसहरनीया गाउँपालिकाको बहेडाडावेला र तुल्सीयाहीको बिचमा रहेको स्थानीय हुलाश यादवको बन्न लागेको माछा फार्मको पोखरीमा डुबेर स्थानीय पल्टु यादवकी १२ वर्षीया छोरी लक्ष्मीनिया यादव, जोगिन्द्र भगतकी १० वर्षीया छोरी चन्द्रकुमारी भगत, राजगिर पुर्वेकी १३ वर्षीया छोरी मञ्जु पुर्वे, जगरनाथ ठाकुरकी १२ वर्षीया छोरी चान्दनी ठाकुर र उतिम साह तेलीकी १२ वर्षीया नातिनी ललिता साहको मृत्यु भएको थियो ।
प्रदेश प्रमुख डा. अहिराजले पाँचै जनाको घर–घरमै पुगेर घटना बारे जानकारी समेत लिनु भएको छ ।
वि.सं.२०७८ असार ४ शुक्रवार १४:०६ मा प्रकाशित