काठमाडौं । भोलि सोमबार अर्थात असार २१ गते तीन कम्पनीको साधारणसभा गर्ने भएका छन् ।
उक्त दिन इन्फिनिटी लघुवित्त वित्तीय संस्था, नेपाल एग्रो लघुवित्त र जनरल इन्स्योरेन्सले सभा गर्ने भएका हुन् । यी मध्ये इन्फिनिटी लघुवित्तले विशेषसाधारणसभा गर्ने भएको हो ।
इन्फिनिटीले नेपाल एग्रो लघुवित्तलाई प्राप्ति गर्नको लागि भन्दै विशेष साधारणभा बोलाएको हो । त्यसको लागि असार ८ गतेको लागि बुक क्लोज गरेको छ ।
यस्तै, नेपाल एग्रो लघुवित्तले असार २१ गते पाँचौ बार्षिक साधारणसभा बोलाएको छ । कम्पनीले आर्थिक वर्ष २०७६/०७७ मुनाफाबाट १४ प्रतिशत बोनस र कर प्रयोजनको लागि ०.७३ प्रतिशत नगद लाभांश दिने प्रस्ताव गरेको छ ।
साथै उक्त सभाले इन्फिनिटी लघुवित्तलाई प्राप्ति गर्ने प्रस्ताव गरेको छ । सभा प्रयोजनको लागि असार २१ गते नै बुक क्लोज रहेको छ ।
त्यसैगरि असार २१ गतेको लागि जनरल इन्स्योरेन्सले असार २१ गतेको लागि तेस्रो साधारणसभा बोलाएको छ । कम्पनीले लेखा परीक्षक नियुक्त गर्ने र निजको पारिश्रमिक तोक्ने प्रस्ताव लागेको छ ।
वि.सं.२०७८ असार २० आइतवार १८:३० मा प्रकाशित
