काठमाडौं । साताको चौंथो कारोबार दिन पनि सेयर बजारमा गिरावट आएको छ । उक्त दिन बजार १६.९७ अंकले घटेको छ ।
बजार परिसुचक पनि २८०१ अंकको बिन्दुमा पुगेर बन्द भएको छ । बुधवार ४ अर्ब ५८ करोड ५८ लाख ६१ हजार रुपैयाँ बराबरको सेयर कारोबार भएको छ ।
आज डेभलपमेन्ट बैंक र माइक्रोफाइनान्सबाहेक सबै राताम्मे बनेका छन् । डेभलपमेन्ट बैंक ११.०६ अंक र माइक्रोफाइनान्स १९.१९ अंकले वृद्धि भएको हो ।
उक्त दिन छिमेक लघुवित्त विकास बैंकको सर्वाधिक सेयर कारोबार भएको छ । कम्पनीको ४३ करोड ५४ लाख २७ हाजर रुपैयाँ बराबरको कारोबार भएको हो ।
कारोबारकै आधारमा दोस्रो स्थानमा रहेको अप्पर तामाकोशी हाइड्रोपावरको २६ करोड १६ लाख र तेस्रो स्थानमा रहेको हिमालयन डिस्टीलरीको २३ करोड ५३ लाख ७७ हजार रुपैयाँ बराबरको कारोबार भएको छ ।
वि.सं.२०७८ असार २३ बुधवार १५:०८ मा प्रकाशित