काठमाडौं । जीवन विकास लघुवित्त वित्तीय संस्थाको आइपीओ बाँडफाँडको नतिजा हेर्न मिल्ने भएकोक छ । आइपीओको रिजल्ट बिक्री प्रबन्धक एनएमबि क्यापिटल result.nmbcl.com.np मा हेर्न सकिने छ ।
कम्पनीको आईपीओ बिहान बाँडफाँड भएको थियो । कम्पनीको आईपीओमा माग भन्दा बढी आवेदन परेका कारण गोलाप्रथाबाट बाँडफाँड गरिएको थियो । जसमा १ लाख ८४ हजार ८०१ जनाले १० कित्ताका दरले सेयर पाएका छन भने ५ जनालाई ११ कित्ताका दरले सेयर परेको छ ।
कम्पनीले असार ११ गतेदेखि १५ गतेसम्म १९ लाख ७७ हजार ३०० कित्ता आइपीओ निष्कासन गरेको थियो । जसमा ३० हजार ४२० कित्ता कर्मचारी र ९८ हजार ८६५ कित्ता म्युचुअल फन्डका लागि छुट्याएको थियो । बाँकी रहेको कित्तामा सर्वसाधारणले आवेदन दिने व्यवस्था गरेको थियो ।
२० लाख ८७ हजार ३१७ जनाको अवोदन परेकोमा ६९ हजार ९ जनाको आवेदन रद्द भएको छ । योग्य लगानीकर्ता २० लाख १८ हजार ३०८ जना रहेका छन् ।
आईपीओको नतिजा बिक्री प्रबन्धक एनएमबि क्यापिटलको वेबसाइट (https://www.nmbcl.com.np/), मेरोसेयर र जीवन विकास लघुवित्तको वेबसाइट (http://jeevanbikasmf.com/) वा सिडिएससीको आइपीओ रिजल्ट हेर्ने वेबसाइट (https://iporesult.cdsc.com.np/) पनि थाहा पाउन सकिनछ ।
वि.सं.२०७८ असार २३ बुधवार १५:२८ मा प्रकाशित