काठमाडौं । साताको दोस्रो कारोबार दिन सुनको मूल्यमा गिरावट आएको छ । सोमबार नेपाली बजारमा छापावाला सुनको मूल्य २ सय रुपैयाँले घटेको हो ।
नेपाल सुनचाँदी व्यवसायी महासंघले अघिल्लो दिन ९२ हजार ४ सय रुपैयाँमा खरिदबिक्री भएको सुन आजका लागि ९२ हजार २ सय रुपैयाँ कायम गरेको छ ।
महासंघका अनुसार आइतबार ९१ हजार ९ सय रुपैयाँमा कारोबार भएको तेजावी सुनको मूल्य आजका लागि ९१ हजार ७ सय रुपैयाँ निर्धारण भएको जनाएको छ ।
यस्तै, आज चाँदीको मूल्यमा पनि गिरावट आएको छ । सोमबार चाँदीको मूल्य तोलामा ५ रुपैयाँले घटेर १३ सय १० रुपैयाँ कायम भएको महासंघले जनाएको छ । हिजो प्रतितोला १३सय १५ रुपैयाँमा कारोबार भएको थियो ।
वि.सं.२०७८ असार २८ सोमवार ११:३६ मा प्रकाशित