काठमाडौं । आर्थिक वर्ष २०७७-०७८ मा सञ्चालनमा रहेको १९ वटा जीवन बीमा कम्पनीले १ खर्ब २० अर्ब ९५ करोड रुपैयाँ बीमा शुल्क आर्जन गरेका छन् ।
कोरोना महामारीको समयमा पनि कम्पनीहरुले व्यवसाय विस्तारमा निकै जोड दिएका छन् । असार महिनामा मात्रै बीमा कम्पनीले १८ अर्ब ४८ करोड रुपैयाँ बीमा शुल्क आर्जन गरेको छन् ।
असार मसान्तसम्म जीवन बीमा कम्पनीले ४१ अर्ब ९७ करोड रुपैयाँ प्रथम बीमा शुल्क आर्जन गरेका छन् भने ७८ अर्ब ३५ करोड रुपैयाँ नविकरण बीमा शुल्क आर्जन गरेका छन भने वैदेशिक रोजगार बीमाशुल्क बाट ६३ करोड रुपैयाँ बीमा शुल्क आर्जन गरेका छन् ।
असार महिनामा मात्रै जीवन बीमा कम्पनीले ६ अर्ब ९२ करोड रुपैयाँ बीमा शुल्क आर्जन गरेका छन् । ११ अर्ब ४९ करोड रुपैयाँ नविकरण बीमा शुल्क आर्जन गरेको जीवन बीमा कम्पनीले एक महिनाको अवधिमा ७ अर्ब रुपैयाँ वैदेशिक रोजगार बीमा शुल्क आर्जन गरेका छन् । बीमा समितिको तथ्याङक अनुसार पुराना कम्पनीको तुलनामा बीमा शुल्क आर्जन तर्फ हेर्दा युनियन लाइफ इन्स्योरेन्स निकै प्रतिस्पर्धी देखिएको छ ।
बीमा समितिका अनुसार असार मसान्त सम्ममा नेपाल लाइफले ३२ अर्ब ८४ करोड, लाइफ इन्स्योरेन्स कर्पोरेशनले १७ अर्ब १४ करोड, नेशनल लाइफले १२ अर्ब १६ करोड, राष्ट्रिय बीमा संस्थानले ७ अर्ब ४१ करोड, यूनियन लाइफले ६ अर्ब ७७ करोड, एशियन लाइफले ५ अर्ब ९२ करोड, मेट लाइफले ५ अर्ब २ करोड, रुपैयाँ बीमा शुल्क आर्जन गरेको छ ।
बीमा समितिका अनुसार सूर्य लाइफले ४ अर्ब २६ करोड, गुँरास लाइफले ३ अर्ब ६८ करोड, प्राइम लाइफले ४ अर्ब ३ करोड, आईएमई लाइफले २ अर्ब ७९ करोड, ज्योती लाइफले ३ अर्ब १० करोड रुपैयाँ बीमा शुल्क आर्जन गरेको छ ।
यस्तै सन नेपाल लाइफले २ अर्ब २२ करोड, रिलायन्स लाइफले २ अर्ब ५७ करोड, रिलायबल नेपाल लाइफले २ अर्ब ९९ करोड, सिटिजन लाइफले ३ अर्ब ५९ करोड, सानिमा लाइफले १ अर्ब ९५ करोड, प्रभु लाइफले १ अर्ब ४५ करोड र महालक्ष्मी लाइफले १ अर्ब ६ करोड बीमा शुल्क आर्जन गरेको छ ।
वि.सं.२०७८ साउन ६ बुधवार १८:३५ मा प्रकाशित
