काठमाण्डौं । बैंकिङ समूह चम्किएपछि आज फेरि पूँजी बजार आज सोमबार १६०९ अंकमा पुगेर नयाँ रेकर्ड कायम भएकोछ । बजार आज ११.६९ अंकले बढ्न पुगेको हो । बजारलाई बैंकिङ समूहले उचालेको हो ।
आज कारोबार रकम पनि एक अर्ब ७१ करोड रुपैयाँ छ । यो रकम हिजो आइतबारको भन्दा केही कम भए पनि औसत कारोबार रकम भने बढी नै हो ।
आज माइक्रोफाइनान्स र विकास बैंकहरुको सेयर मूल्य १० प्रतिशतसम्म बढेको छ । ६ वटा कम्पनीको सेयर मूल्य नौ प्रतिशत भन्दा धेरैले बढेको छ । आरएमडिसीको सेयर मूल्य १० प्रतिशतले बढेको छ ।
बजार खुल्ना साथ ठूला बाणिज्य बैंकहरुको मूल्य निकै बढ्यो । एभरेष्ट, स्ट्याण्डर्ड चार्टर्ड बैंक, नेपाल एसविआई, नविल, हिमालयन बैंक लगायतका बैंकहरुको सेयर मूल्यमा ठूलो बृद्धि देखिएको थियो । कारोबार सुरु हुनासाथ २५ अंकसम्मले बढेको बजार विस्तारै नकारात्मक हुँदै पुनः उकालो लागेको हो ।
३१ जेठ २०७३, ३.३०
वि.सं.२०७३ जेठ ३१ सोमवार १५:४८ मा प्रकाशित