काठमाडौं । नेपाल आयल निगमले इन्ध वितरण नगर्दा बजारमा एक दिनमै इन्धनको अभाव देखिएको छ ।
सार्वजनिक विदा भन्दै निमगले बिहीबार इन्धन बितरण नगर्दा बजारमा चरम अभाव देखिएको हो । बजारमा इन्धन अभाव हुँदा शुक्रबार अधिकांश पेट्रोल पम्पमा इन्धन भर्ने उपभोक्ताको लाइन लागेको थियो ।
निगमले बिहीबार जनै पूणिर्माको दिन सार्वजनिक विदा भएकाले इन्धान वितरण नगर्दा शुक्रबार बजारमा समस्या देखिएको हो ।
इन्धन वितरण नियममित नहुँदा प्रायः सार्वजनिक विदाको दिनमा बजारमा इन्धन अभाव हुने गरेको निगमको दाबी छ ।
तर,यसअघि नाकाबन्दीबाहेक सार्वजनिक विदामा कहिल्यै इन्धनको अभाव भएको थिएन। यस पटक निगमले जानजान यस्तो काम गरेको छ ।
सार्वजनिक विदाअगाडि नै पर्याप्त इन्धन वितरण नगरी जानाजान अभाव सिर्जना गरेको उपभोक्ताको गुनासो छ ।
निजी पेट्रोलियम व्यवसायीले भने निगमले मागअनुसार इन्धन वितरण नगर्दा पम्पमा अभाव भएको बताएका छन् ।
पेट्रोलियम डिलर्स एसोसिएसनका अध्यक्ष लिलेन्द्र प्रधानले सार्वजनिक विदाको अघिल्लो दिन निमगमले पम्पलाई इन्धन वितरण नगर्दा बजारमा अभाव भएको बताए । आजको राजधानी दैनिकमा खबर छ ।
प्रकाशितः २०७३ भदौ ४
वि.सं.२०७३ भदौ ४ शनिवार ०९:४७ मा प्रकाशित
