काठमाडौँ । बाग्लुङमा जीप दुर्घटना हुँदा ४ जनाको मृत्यु भएको छ भने ६ जना गम्भीर घाइते भएका छन् । रन्सीबाट ग्वालीचौर जाँदै गरेको ध १ ज १८४ नम्बरको पिकअप जीप बडीगाड गाउँपालिकामा आज दुर्घटना भएको हो ।
उद्दारमा खटिएका प्रहरी नायव निरीक्षक विष्णु लम्सालका अनुसार दुर्घटनामा बडिगाड ५ का मुक्त बहादुर वाइबा, बडिगाड ४ का हुमन काउछा र तुल बहादुर पुन तथा बडिगाड ८ का नारायण शेरभुजाको मृत्यु भएको छ ।
जीपमा ११ जना रहेकामा १ जना सकुसल छन् भने घाइते सबै ६ जनाको अबस्था गम्भिर छ । उनीहरुलाई उपचारका लागि काठमाण्डौं ल्याउने तयारी भइरहेको लम्सालले बताए । साघुँरो र कच्ची बाटोमा जीप सडकबाट भीरमा खसेको थियो ।
प्रकाशित मितिः २०७४ असार ९
वि.सं.२०७४ साउन ९ सोमवार १३:०० मा प्रकाशित
