काठमाण्डौं । के तपाई सेयर किन्दै हुनुहुन्छ ? यदि हुनुहुन्छ भने नेपाल स्टक एक्सचेन्ज नेप्सेले चार कम्पनीको मूल्य समायोजन गरेकोछ । आज नेप्सेमा सुचना जारी गर्दै मूल्य समायोजित भएको जानकारी दिएको हो । मूल्य समायोजित हुने कम्पनी र तिनको प्रति कित्ता मुल्य यस प्रकार रहेकोछ ।
जानकी फाइनान्स कम्पनी लिमिटेड अर्थात् जेएफएलले जारी गरेको १० प्रतिशत बोनस सेयरका लागि प्रति कित्ता मूल्य रु २ सय ५१ रहेकोछ । यसको आधार मूल्य रु २ सय ८५ लिइएको छ ।
त्यस्तै, सगरमाथा इन्स्योरेन्स कम्पनी लिमिटेड अर्थात् एसआईसीले पनि आफ्नो मूल्य समायोजन गरेकोछ । यसले जारी गरेको २२ प्रतिशत बोनस सेयरका लागि प्रति कित्ता मूल्य रु १ हजार ९८ राखेको छ । यसको आधार मूल्य १ हजार ३ सय ५० रहेकोछ ।
यसैगरी, अल्पाईन डेभलपमेण्ट बैंक लिमिटेड अर्थात् एएलडीबीएलले पनि आफ्नो सेयर मूल्य समायोजन गरेकोछ । कम्पनीले जारी गरेको १४.५ प्रतिशत बोनस सेयरका लागि प्रति कित्ता मूल्य रु ३ सय २१ रुपैयाँ तोकेको छ । यसको आधार मूल्य पनि रु ३ सय २१ नै रहेकोछ ।
यस्तै, हिमालयन जेनरल इन्स्योरेन्स अर्थात् एचजीआईले पनि आफ्नो मूल्य समायोजन गरेकोछ । आज नेप्सेमा प्रकाशित सूचना अनुसार यो कम्पनीले जारी गरेको २० प्रतिशत बोनसका लागि प्रति कित्ता मूल्य रु १ हजार १ सय ५९ राखेकोछ । यसको आधार मूल्य भने १ हजार १२ रुपैयाँ रहेकोछ ।
१३ पुस २०७३, १०।४५
वि.सं.२०७३ पुस १३ बुधवार १०:४७ मा प्रकाशित
