काठमाण्डौं । नेपाल स्टक एक्सचेन्ज नेप्सेले आज एक सूचना प्रकाशित गर्दै दश कम्पनीको मूल्य समायोजन भएको जानकारी गराएकोछ । यसरी मूल्य समायोजन हुने कम्पनीहरु र तिनीहरुको समायोजित मूल्य यस प्रकार रहेका छन् ।
मञ्जुश्री फाइनान्स इन्टिट्युसन लिमिटेड अर्थात् एमएफआईएलले प्रस्ताव गरेका १४ प्रतिशत बोनस र १७५ प्रतिशत हकप्रद सेयर वापतको मूल्य समायोजन भएर प्रति कित्ता कारोबार मुल्य रु १८२ तोकिएको छ । मुल्य समायोजन हुनु अघिको यसको मूल्य रु १ सय ६० रहेकोछ ।
त्यसैगरी सप्तकोशी डेभलपमेण्ट बैंक लिमिटेड अर्थात् एसकेडिबिएलले घोषणा गरेको ११ प्रतिशत बोनस सेयरका लागि प्रति कित्ता मूल्य रु २ सय ५४ रुपैयाँ तोकिएको छ । यसको आधार मुल्य भने १ सय ७७ रुपैयाँ रहेकोछ ।
यस्तै, चिलिमे हाइड्रो पावर कम्पनी लिमिटेड अर्थात् सीएचसीएलको १० प्रतिशत बोनस सेयरको मूल्य समायोजित भई प्रतिकित्ता मूल्य रु ८ सय १८ तोकिएको छ । यसको आधार मूल्य भने रु १ हजार ३९ रुपैयाँ रहेकोछ ।
त्यसैगरी हाम्रो विकास बैंक अर्थात् हाम्रोको २५ प्रतिशत बोनसका लागि समायोजित मूल्य प्रति कित्ता रु ४ सय ४३ तोकिएको छ । यसको आधार मूल्य भने ३ सय २८ रहेकोछ ।
यस्तै, मिथिला लघुवित्त विकास बैंक लिमिटेड अर्थात् एमएलबीबीएलले घोषणा गरेको १२.६६ प्रतिशत बोनस सेयरका लागि प्रति कित्ता मूल्य रु १२ सय ५ रुपैयाँ तोकिएको छ । यसको आधार मुल्य भने १२ सय ५२ रुपैयाँ रहेकोछ ।
समिट माइक्रो फाइनान्स डेभलपमेण्ट बैंक लिमिटेड अर्थात् एसएमएफडीबीले प्रस्ताव गरेको ४५ प्रतिशत बोनस सेयर वापतको मूल्य समायोजन भएर प्रति कित्ता कारोबार मुल्य रु १७ सय ३४ तोकिएको छ । मुल्य समायोजन हुनु अघिको यसको मूल्य रु १५ सय २६ रहेकोछ ।
११ पुस २०७३, १२।३०
वि.सं.२०७३ पुस ११ सोमवार १२:२९ मा प्रकाशित