जापानका उडिरहेको विमानको पंखा खसेर लाग्दा एउटा कारमा गम्भीर क्षति पुगेको छ । जापानको ओसाका शहरमा आकाशमा उडिरहेको जेट विमानको पंखाको भाग खसेर लाग्दा कारमा क्षति पुगेको हो ।
यो शनिबारको घटना हो । केएलएम रोयल डच एयरलाइन्सको जहाज कान्साइ अन्तर्राष्ट्रिय विमानस्थलबाट उडेको केही समयपछि त्यो विमानको पंखाको भाग खसेको हो । चार किलो भन्दा बढी तौल रहेको पंखाको भाग खस्दा विमान दुई हजारमाथि उडिरहेको थियो ।
खसेको पंखाले लाग्दा ओसाकामा रहेको कारको माथिल्लो भाग (छत) र रेएर विन्डोमा क्षति पुगेको छ । घटनामा कोही पनि घाइते भएका छैनन् । केएलएमले घटनाका विषयमा छानविन सुरु गरेको छ ।
बोइङ ७७७ विमानको पंखाको भाग खसेको हो । विमानमा तीन सय यात्रु रहेका थिए । विमान शनिबार नै आमस्टरडममा सुरक्षित रुपमा अवतरण भएको थियो ।
प्रकाशित मितिः २०७४ असोज ९
वि.सं.२०७४ असोज ९ सोमवार १०:४८ मा प्रकाशित