काठमाण्डौं । कृषि विकास बैंकले आगामी बैंशाख १४ गतेको साधारणसभा पछि ५० प्रतिशत अर्थात् १ अर्ब ७१ करोड ५० लाख रुपैयाँको हकप्रद निष्काशन गर्ने हकप्रद शेयर वितरण गर्ने भएकोछ । राष्ट्र बैंकको स्वीकृतिसँगै साधारणसभाबाट पास गराएर सेयर वितरण गरिने बैंकले जानकारी दिएको छ ।
कृषि विकास बैंकले आफ्ना शेयरधनीलाई १५ प्रतिशत बोनश शेयर तथा ५० प्रतिशत हकप्रद शेयर दिने भएको छ ।
अग्राधिकार (प्रिफेन्सियल) शेयरलाई साधारणमा रुपान्तरण गरेर चुक्तापूँजी आठ अर्ब पुर्याउने सोचाईमा रहेको बैंकको योजनामा भने अर्थमन्त्रालय बाधक बनेको छ । सरकारको ६ अर्ब ४३ करोड ६८ लाख रुपैंयाको अग्राधिकार (प्रिफेन्सियल) शेयर तथा सर्वसाधारणको ३ अर्ब ४२ करोड ४० लाख रुपैंया गरि बैंकको ९ अर्ब ८६ करोड रुपैंया चुक्ता पूँजी रहेको छ । बैंकको जगेडा कोषमा ५ अर्व ३६ करोड १६ लाख रुपैया रहेको छ । बैंकले हाल कायम ३ अर्ब ४२ करोड ४० लाख रुपैयाँ चक्तापूँजीमा १५ प्रतिशत बोनश थपेर ५० प्रतिशत हकप्रद निष्काशन गर्न लागेको हो ।
२३ चैत २०७२, ८.००
वि.सं.२०७२ चैत २३ मंगलवार १२:०८ मा प्रकाशित
