काठमाण्डौं । आन्तरिक वायुसेवा कम्पनीले हवाइ भाडा घटाएका छन् । वायुसेवा सञ्चालक संघले भोलि सोमबारदेखि लागू हुने गरी नयाँ हवाइ भाडादर तोकेको छ ।
नेपाल आयल निगमले हवाई इन्धनको मूल्य घटाएपछि सञ्चालक संघको बैठकले हवाई भाडा घटाउने निर्णय गरेको हो । निगमले आइतबार हवाइ इन्धन आन्तरिक उडानतर्फ प्रतिलिटर १० रुपैयाँ घटाएर ९९ रुपैयाँ कायम गरेको छ ।
योसँगै काठमाण्डौंबाट सबैभन्दा नजिकको गन्तव्य सिमरामा प्रतियात्रु ११५ रुपैयाँ भाडा घटाइएको छ भने सबैभन्दा टाढाको गन्तव्य धनगढीमा ३८५ रुपैयाँ घटाइएको छ । यसैगरी, काठमाण्डौंबाट बिहानमा हुँदै आएको माउन्टेन फ्लाइटमा ३७५ रुपैयाँ घटाइएको छ ।
१९ असार २०७३, ४.३०
वि.सं.२०७३ असार १९ आइतवार १६:४८ मा प्रकाशित
