अल्बानियाका प्रधानमन्त्री इदी रमाले सोमबार चारजना नयाँ मन्त्रीहरु नियुक्त गरेका छन् । नयाँ गृहमन्त्रीमा फाटमिर साफाज नियुक्त भएका छन् ।
त्यसैगरी सामाजिक मामिला मन्त्रीमा ओल्टा सक्कालाई र स्थानीय सरकार मामिला मन्त्रीमा इडुर्डा शाल्सीलाई प्रधानमन्त्रीले नियुक्त गरेका छन् । प्रधानमन्त्रीको कार्यालयद्वारा जारी वक्तव्यमा ओगेर्टा मनास्टिर्लिउलाई स्वास्थ्य मन्त्री बनाइएको उल्लेख छ ।
एकदिन अगाडि सत्तारुढ पार्टी सोसियलिस्ट पार्टीले अहिले नयाँ मन्त्रीहरु नियुक्त भएका ठाउँमा रहेका मन्त्रीहरुलाई हटाएको थियो । निर्वाचन अभियानलाई मध्यनजर गर्दै मन्त्रीहरु फेरबदल गरिएको सोसियलिस्ट पार्टीले जनाएको छ । रासस÷सिन्ह्वा
प्रकाशित मितिः २०७३ चैत १
वि.सं.२०७३ चैत १ मंगलवार १५:२९ मा प्रकाशित