काठमाण्डौं । सरकारले ‘एक गाउँ, एक पशु सेवा प्राविधिक’ कार्यविधि अन्तरगत ५ सय जना पशु सेवा तथा स्वास्थ्य प्राविधिक पदमा दरखास्त आवेदन माग गरेको छ ।
नायव पशु सेवा प्राविधिक र नायव पशु स्वास्थ्य प्राविधिक गरी दुई पदमा २५०÷२५० जना माग गरिएको हो ।
पशुविकास मन्त्रालय अन्तरगत पशुसेवा विभागले जिल्ला अनुसार छुट्टाछुट्टै कोटा निर्धारण गरेर ५ सय प्राविधिक भर्ना गर्न लागेको हो ।
भटेरिनरी समूहको राजपत्र अनंकित द्वितीय श्रेणि सरहको प्राविधिक पदमा दरखास्त आह्वान गरिएको हो । ७३ जिल्लाका लागि पशु प्राविधिकको माग भएको छ ।
पशु प्राविधिक अन्तरगत करारमा सेवा गर्न चाहनेले वैशाख २९ गतेसम्म आवेदन दिनुपर्ने विभागले जनाएको छ ।
यसका लागि एसएलसी उर्त्तीण भएर पशु विज्ञान, पशु स्वास्थ्य र पशुपालनमा जेटिए पास गरेको वा यही विषयमा टी एसएलसी गरेको हुनुपर्नेछ ।
१५ बैशाख २०७३, ११।००
वि.सं.२०७३ वैशाख १५ बुधवार १२:२४ मा प्रकाशित
