काठमाडौं। ५ बर्ष भित्र नेपालको एक ठूलो जलविद्युत विकास कम्पनी बनाउने उदेश्यका साथ अगाडि बढेको अपि पावर कम्पनीले ८ आयोजनाबाट सौर्य उर्जा उत्पादन गर्ने अनुमति पाएको छ। कम्पनीले विद्युत प्राधिकरणबाट साढे १९ मेगावाट सौर्य उर्जा उत्पादन गर्ने अनुमति पाएको हो।
उर्जा संकट टार्न सरकारले चालु बर्ष विद्युत प्राधिकरणसँग मिलेर ६४ मेगावाट सौर्य उर्जा उत्पादन गर्न टेन्डर गरेको थियो।
कम्पनीले ढल्केवरमा १ मेगावाट, दुहवीमा डेढ मेगावाट, परवानीपुरमा ८ मेगावाट, सिमरामा १ मेगावाट, चन्द्रनिगाहपुरमा ४ मेगावाट, बर्दघाटमा १ मेघावाट, चनौटमा डेढ मेगावाट र कावासोतीमा डेढ मेगावाट विद्युत उत्पादन गर्न अनुमति पाएको हो।
कम्पनीले अब तुरुन्तै काम अघिवढाउने जनाएको छ। एक बर्षभित्रै विजुली उत्पादन गरी प्रशारण लाइनमा जोडिने कम्पनीद्धारा जारी विज्ञप्तीमा उल्लेख गरिएको छ ।
कम्पनीले गत बर्षको मुनाफाबाट पाँच प्रतिशत वोनस सेयर र दुई सय प्रतिशत हकप्रद सेयर समेत जारी गर्दैछ।
प्रकाशित मितिः २०७३ कार्तिक १०
वि.सं.२०७३ कात्तिक १० बुधवार २०:०४ मा प्रकाशित