काठमाण्डौं । अरनिको डेभलपमेन्ट बैंकले ५१ हजार ९० कित्ता साधारण सेयर र ४३ हजार ७ सय ५९ कित्ता संस्थापक सेयरको बोलकबोलबाट बिक्री खुलेको छ । बैंकले गत कात्तिकमा निष्कासन गरेको ३६ प्रतिशत हकप्रदमा नबिकेको सेयरको लिलामी आजैबाट खुलाएको हो ।
बोलकबोल आवेदन सिद्धार्थ क्यापिटल अनामनगर र अरनिको डेभलपमेन्ट बैंक धुलिखेलबाट माघ २४ गते सम्म कार्यालय समयभित्र बुझाउन सकिने बैंकले जनाएको छ ।
बोलकबोल गर्न ईच्छुक लगानीकर्ताले न्युनतम एक सय कित्ताका लागि आवेदन गर्न सक्नेछन् । बोलकबोल गर्नेले एक सय रुपैंयाँ भन्दा धरै मुल्य अंकित गरेर आवेदन दिनु पर्नेछ । बोलकबोल माघ २५ गते तीन बजे बिक्री प्रबन्धक सिद्धार्थ क्यापिटलको कार्यालयमा खोलिने छ ।
बैंकको सेयर अन्तिम पटक गत असोज ३० गते नेप्सेमा तीन सय ७० रुपैंयाँमा कारोबार भएको थियो । सेञ्चुरी कर्मशियल बैंकसँग एक्वीजीसनमा गएको बैंकले चालु आर्थिक वर्षको दोस्रो त्रैमासको अवधिसम्ममा तीन करोड ६७ लाख ३१ हजार रुपैँया खुद नाफा आर्जन गरेको छ । बैंकले गत वर्ष यसैअवधिको भन्दा आफ्नो नाफा झण्डै ८० प्रतिशत बढाएको छ ।
चुक्ता पुँजी ३० करोड १६ लाख ६१ हजार रूपैयाँ रहेको बैंकले बैंकले १७ प्रतिशत बोनस र ३६ प्रतिशत हकप्रदबाट ६ करोड ७२ लाख ७० हजार रुपैयाँले पूँजी वृद्धि गरेको छ ।
१० माघ २०७३, ११।००
वि.सं.२०७३ माघ १० सोमवार १०:४७ मा प्रकाशित
