काठमाण्डौं । अनुशासन विपरीत कार्य गरेको र पदीय दुरुपयोग गरेको अभियोगमा चार महिनाको अवधिमा सय जनालाई सेवाबाट हटाइएको सशस्त्र प्रहरी बलका प्रवक्ता डिआईजी शैलेन्द्र खनालले जानकारी दिएका छन् ।
संगठनले आज मंगलबार बिहान मुख्यालय हलचोकमा गरेको पत्रकार सम्मेलनमा सो जानकारी दिएका हुन् । त्यस्तै दुई सय ६१ जनालाई विभागीय कारबाही गरिएको खनालले बताए। जसमा एसपीदेखि जवानसम्म छन्। सिनियर पदका प्रहरी अधिकारी १२ जना र जुनियर १७ जनालाई विभागीय कारबाही गरिएको उनले बताए। दुई सय ३२ जना प्रहरी जवानले पनि पछिल्लो चार महिनाको अवधिमा नसियत पाएको उनले बताए।
त्यस्तै १२ जना प्रहरीलाई घटुवा गरिएको छ भने २७ जनाको बढुवा रोक्का गरिएको छ। उनीहरुलाई सशस्त्र प्रहरी नियमावली अनुसार कारबाही गरिएको डिआईजी खनालले बताए।
२८ बैशाख २०७३, १०।००
वि.सं.२०७३ वैशाख २८ मंगलवार १३:११ मा प्रकाशित
