फिलिपिन्समा सैन्य शासन लागु हुने संकेत देखिएको छ । मिन्दानाओ टापुमा सेना र इस्लामिक लडाकुबीचको संघर्षका क्रममा त्यहाँ सैन्य शासन लागु गरिएपछि राष्ट्रपति रोद्रिगो डुटर्टेले देशभरीनै सैन्य शासन लागु हुन सक्ने बताएका हुन् । राष्ट्रपति डुटर्टेले देश र देशवासीलाई जोगाउन जस्तो सुकै कदम चाल्न नहिच्किचाउने भन्दै देशभरी सैन्य शासन लागु भएको घोषणा गर्न पनि पछि नहट्ने बताएका छन् ।
यसअघि मिन्दानाओमा सेना र लडाकुबीच संघर्ष चर्किएपछि राष्ट्रपतिले अस्ति मंगलबार सैन्य शासन लागु भएको घोषणा गरेका थिए । आतंकवाद विरुद्ध लड्न आफू जुन सुकै हदसम्म जान सक्ने डुटर्टेको भनाइ थियो ।
प्रकाशित मितिः २०७४ जेठ ११
वि.सं.२०७४ जेठ ११ बिहीवार १२:०३ मा प्रकाशित
