काठमाडौ । अरुण काबेलीले आइपीओ नपरेको पैसा १० गते आइतबारदेखि फिर्ता दिने भएको छ । कम्पनीले सेयर बाँडफाँटपत्र र सेयर नपरेको पैसा पुस १० गतेदेखि फिर्ता गर्ने जानकारी दिएको हो ।
लगानीकर्ताले सेयर आवेदन दिएकै केन्द्रमा गएर बाँडफाँटपत्र र पैसा फिर्ता लिन सक्नेछन् । पैसा फिर्ता लिन जाँदा दरखास्त फारमको अर्धकट्टी र नागरिकताको प्रमाणपत्रको फोटोकपी लैजानुपर्नेछ ।
आफैं जान नसक्नेले मन्जुरीनामा दिएर पठाउनुपर्नेछ । मन्जुरीनामा लिएर जानेको नागरिकताको फोटोकपी आवश्यक हुनेछ ।
कम्पनीले ३० करोड रुपैंयाको ३० लाख कित्ता आइपीओ सर्वसाधारणमा बिक्री खुला गरेको थियो । त्यसमध्ये ३५ हजार रुपैयाँसम्मको आवेदन दिनेलाई चिठ्ठा अर्थात् गोलाप्रथा प्रणालीबाट सेयर बाँडिएको हो ।
यो समूहमा सेयर पर्ने प्रत्येकले १३ कित्ता पाएका छन् । त्यसपछि ५० हजार रूपैयाँसम्म लगानी गर्ने सबैले २.६७ प्रतिशतका दरले सेयर पाएका छन् । त्यसभन्दा माथिको आवेदन गर्नेले १.९७ प्रतिशत सेयर हात पारेका छन् ।
कात्तिक ९ देखि १२ गतेसम्म निश्किाशित उक्त प्रक्रियामा करिब ४३ गुणा बढि अर्थात् एक लाख ६६ हजार एक सय १२ जनाले १२ अर्ब ६३ करोड रुपैंया बराबरको आवेदन दिएका थिए ।
प्रकाशित मितिः २०७३ पुस ७
वि.सं.२०७३ पुस ७ बिहीवार १४:२३ मा प्रकाशित
