काठमाडौ । अरुण फाइनान्सको १०० प्रतिशत हकप्रद भर्ने सोमबार अन्तिम दिन हो । सोमबार कार्यालय समयभित्र यो हकप्रद भरिसक्नुपर्नेछ ।
फाइनान्सले भदौ ६ गतेदेखि १ः१ अनुपातमा प्रतिकित्ता १०० रुपैयाँ दरको १५ लाख कित्ता हकप्रद सेयर निष्काशन गरेको थियो ।
यो हकप्रदमा ग्लोबल आइएमई क्यापिटलले बिक्री प्रबन्धकको काम गरेको छ । लगानीकर्ताले बिक्री प्रबन्धकको कार्यालय राष्ट्रिय नाचघर काठमाडौं तथा ग्लोबल आइएमई बैंकको वीरगंज, इटहरी, जनकपुर, धनगढी, पोखरा, नेपालगंज, र बुटवल शाखाबाट आवेदन दिन सक्नेछन् । यसैगरी, अरुण फाइनान्सको केन्द्रीय कार्यालय धरान–६ सुनसरी तथा यसको हेटौंडा र खाडीचौर सिन्धुपाल्चोक शाखाबाट पनि हकप्रदका लागि आवेदन दिन पाइनेछ । असार ८ गतेसम्म कायम सेयरधनीले मात्र अरुणको हकप्रद भर्न सक्नेछन् ।
प्रकाशित मितिः २०७४ असोज ९
वि.सं.२०७४ असोज ९ सोमवार १०:२९ मा प्रकाशित