सिड्नी । विमानमा विष्फोट गराउने आतंकवादी योजना बिफल भएको छ । अष्ट्रेलियाका प्रधानमन्त्री म्याल्कोम टर्नबुलले विमान खसाल्ने योजना प्रहरीले विफल बनाइदिएको बताएका हुन् ।
अब जोखिम टरेको संकेत गर्दै आत्मविश्वासका साथ आ–आफ्नो काम खटिन र ढुक्क भएर यात्रा गर्न सबैलाई उनले आग्रह गरेका छन् ।
सिड्नीका ४ घरमा छापा मारेर ४ जनालाई पक्राउ गरिएको छ । र, उनीहरु विमान विष्फोट गराउने योजनामा संलग्न रहेको सिड्नी सरकारको दाबी छ ।
यद्यपी १ महिलाले आफ्नो श्रीमान र छोरोलाई पक्राउ गरिएको तर उनीहरु कुनै पनि आतंकवादी समूहमा नरहेको भन्दै रिहाई गर्न माग गरेको स्थानीय सन्चार माध्यमले जनाएका छन् ।
पक्राउ परेकाहरुबारे अनुसन्धान गर्दा विमानमा विफोटक पदार्थ राखेर क्षति पुर्याउने योजनाको खुलासा भएपछि अष्ट्रेलियामा सुरक्षा सतर्कता बढाइएको छ । सबै विमानस्थलहरुमा सुरक्षा व्यवस्था कडा पारिएको छ भने देशका अन्य भागहरुमा पनि थप सुरक्षाकर्मी परिचालन गरिएको बीबीसीले उल्लेख गरेको छ ।
प्रकाशित मितिः २०७४ साउन १५
वि.सं.२०७४ साउन १५ आइतवार ११:०१ मा प्रकाशित