काठमाडौं । कतारमा अलपत्र परेका ७ जना नेपालीको उद्धार गरिएको छ । राप्ती प्लेसमेन्ट सर्भिसबाट कतार पुगेका नेपालीहरु ५ महिनासम्म तलब नपाएर अलपत्र परेपछि जीसी लगायत केही नेपालीले उद्धारको पहल थालेको हो ।
विभिन्न प्रलोभनमा परी कतार पुगेका सातै जनाको उद्धार गरिएको छ । यस अघि २० जनाको उद्धार गरी नेपाल पठाइएको कतारबाट चन्द्र सुर्य प्रकाश शर्माले जानकारी दिएका छन् ।
बुटवलमा घर भई कतारमा बस्दै आएका लिला जीसीको समन्वयमा गुल्मी मदानेका राजेश घर्ती, खोटाङका दिनेश कटुवाल, गंगाबहादुर कटुवाल, वीरबहादुर खड्का, सुर्खेतका जीतबहादुर वीक, भोजपुरका इरज राई र संखुवासभाका पुष्प भारतीको उद्धार गरेका थिए ।
उद्धार गरिएका सातै जनालाई शनिबार नेपाल फर्काउने तयारी भएको कतारबाट उद्धारमा संग्लग्न भएका चन्द्र सुर्यप्रकाश शर्माले जानकारी दिएका छन् ।
प्रकाशित मितिः २०७४ भदौ २४
वि.सं.२०७४ भदौ २४ शनिवार १४:२७ मा प्रकाशित
