काठमाण्डौं । नेपाल राष्ट्र बैंकले नीजि सवारीसाधानका लागि अधिकतम ५० प्रतिशतसम्म मात्रै कर्जा प्रवाह गर्ने सीमा तोकेको छ । राष्ट्र बैंकले चालु आर्थिक बर्षको मौद्रिक नीतिको मध्यावधि समिक्षा सार्वजनिक गर्दे आज मंगलबारदेखि यस्तो व्यवस्था गरेको हो ।
बैंक तथा वित्तिय संस्थाले सहज तरलताको अवस्था हुँदा व्यवसायलाई दिने भन्दा सस्तो ब्याजदरमा गाडी कर्जा बाँडेको भन्दै राष्ट्र बैंकले सीमा तोकेको जनाएको छ ।
अहिले बैंक तथा वित्तीय संस्थाले गाडी खरिदमा यसको कुल मुल्यको ९० प्रतिशतसम्म ऋण दिदै आएका छन् । अब यस्तो कर्जा सावारीसाधानको मूल्यको बढीमा ५० प्रतिशत मात्रै दिन पाइने ब्यवस्था गरिएको छ । पुस मसान्तसम्ममा बैंक तथा वित्तीय संस्थाले सवारी साधनमा १ खर्ब ४२ अर्ब रुपैयाँ ऋण दिएका छन् ।
१० फागुन २०७३, ३।००
वि.सं.२०७३ फागुन १० मंगलवार १५:१८ मा प्रकाशित