चितवन । खसीको मासु भन्दै बाख्रीको मासु बेच्ने ११ जनालाई आज चितवन प्रशासनले प्रकाउ गरेको छ । जिल्ला प्रशासन कार्यालय चितवनको नेतृत्वमा विहानै ४ बजे बजार निस्केको अनुगमन टोलीले भरतपुर र नारायणगढका ९ वटा पसलबाट ११ जनालाई प्रकाउ गरेको हो ।
प्रकाउ परेकामध्ये केही बाख्री काट्दै गरेको केहीको रोग लागेका कुखुरा काट्दै गरेको अवस्थामा भेटिएको बताइएकोछ । अनुगमनका क्रममा बाख्री र खसी एकै ठाउंमा काट्दै गरेको र केही मर्न लागेका कुखुरा काटेको पनि पाइएको थियो । यसका साथसाथै अनुगमन टोलीले अस्वस्थ झण्डै ३ क्विन्टल मासु बरामद गरेकोछ ।
१९ असोज २०७३, ११।००
वि.सं.२०७३ असोज १९ बुधवार ११:१९ मा प्रकाशित